لغات تاریخیه و جغرافیه

Lugat-ı Tarihiyye ve Coğrafiyye

ارشك

ارشك — سلفكیاندن یعنی (سلوسید) دولتی حكمدارلرندن اوچنجی انتی بوخوسك زیر حمایه+سنده اولان طبرستان ولایتندن (٥٣٣٨ خ) تاریخنده یعنی میلادك ایكیوزاللی التی سنه مقدمنده خروج و اشكانیان دولتنی تشكیل ایدن ذاتدر. بو قهرمان طبرستان امراسندن ایدی تاریخ مذكورده ممالك فرسه هجوم و بلخ و ری و اصفهان جهتلرینی بعد الاستیلا )دمغان) شهرینی پای تخت اتخاذ ایلدی وسلوسیدلرك النده قالان بقیۀ ممالكی دخی آوردۀ قبضۀ تسخیر اتمك ویاخود مرقوم انتی بوخوسك هجوملرینی منع ایلمك ایچون اوغراشه+رق ایكی سنه سلطنت سوردكدنصكره بر محاربه+ده هم كندوسی و هم مرقوم انتی بوخوس مقتولاً وفات ایلدیكندن ایكیسیده غوغای جهاندن قورتلدی. فرنكلر بوكا )ارساد) و حكومتنه )ارسانید) دیرلر. اشكانیان كلمه+سنه دخی نظر بیوریله