اشکانیان — یاخود (ارشكانیان) . درت طبقه+یه
منقسم اولان ملوك فرسدن اوچنجی طبقه+نك عنوانیدر. بر طبقه (٥٣٣٨ خ)
تایخنده یعنی میلادك ایكیوز اللی التی سنه مقدمنده پارت رؤساسندن
)ارشك) نامنده بر صاحب خروجك (سلوسید)لره غلبه+سیله تشكل
ایدوب (٢٣٠ م) تاریخنده طبقۀ ساسانیه+نك ظهوریله منقرض اولدیسه ده
بو طبقه+یه منسوب اولان برقاج حكمدار ارمنستان قطعه+سنده بر مدت دها
اجرای حكومت ایلمشدر. دولت اشكانیه+یه (پارت) دولتی دخی دیرلر.
بونلرك پای تخت (دمغان) و (مداین) شهرلری ایدی. (ارشك)
و (پارتیا) کلمه+لرینه دخی مراجعت بیوریله