احمد الرفاعی ابو العباس — رتبۀ جلیله غوثیتی ایكی دفعه
احراز ایدرك (ابو العلمین) عنواننی آلمش بر ولیء ذیشاندر. بو ذات امام
موسی الكاظم) حضرتلرینك سلالۀ طاهره+سندن اولدیغی حالده
بطایحده (ام عبیده) نام قریه+ده ساكن اولور و طریقت علیه+ده كمالی
هر طرفه منتشر اولدیغندن اطراف ممالك و عشایردن عاشقان و مریدان كلور
انتساب ایدر ایدی لكن فوق الغایه چوغالمش اولان اشبو مریدلرك ایچندن
برچوغی آتشه كیرمك ییلان و عقرب یمك كبی ملاعبه هوسیله یاكلش یوله
صاپدیغندن او مقوله+لر حضرت شیخك حسن نظر و توجهنه نائل اوله+مدی.
جناب ملك المنان بو ذات عالیقدره پك چوق نو جلیله خوارق العاده عنایت
و احسان بیورمش ایدی حتی بر دفعه خواص مریدانندن بری دوزخدن نجات
فرمانی نیاز و حضرت شیخه رابطه ایله دعا ایلدكده سمادن بر بیاض كاغد
دوشدی و كاغدی حضرت شیخك حضورینه كتوردكلرنده دها كیفیت افاده
اولنمقسزین حضرت شیخ سجده+یه واروب (الخمدلله الذی ارانی عتق
اصحابی من النار فی الدنیا قبل الاخرة) بیوردی. بو كبی دها پك چوق كراماتی
كورلمشدر. كندولری غایت حلیم و نازك و صابر و جهورالصوت بر ذات
ایدی نمازه قالقه+جغی وقت اتكنده بر كدی اویومش اولسه او كدی+یی
اویاندیرمامق ایچون اتكنی كسوب بعد اداءالصلة ینه دیكر و سنك و بوجك كبی
موذیاتی اولدرمز ایدی. مشارالیهك سلاله+سندن اولدیغنی ادعا ایدنلر
قرنداشی اولاد و احفادندندر و وفاتی (١١٨٢ م و ٥٧٨ ه) تاریخنده و قبری
قریۀ مذكوره جوارنده+در
طریقت
كلمه+سنه دخی نظر بیوریله