طریقت — (الطرق الی الله بعدد انفس الخلائق) مضمون
منیفی اوزره جناب حقه وصول ایچون یول چوق و تعدادی غیر قابل
اولوب فقط اصحابنك اتخاذ بیوردقلری آیین و مسالك اقنضاسنجه تمیز و تعین
ایدنلری معدود اولمغله بونلردن شرف و شهرتلری بو طرفلره واصل اولنلری
و اصحابنك سلسلۀ نسب علیه+لری زیرده بیان اولنمشدر
١ (قادریه) طریقت علیۀ قادریه غوث الصمدانی (سید عبدالقادر
کیلانی حضرتلرینه منسوبدر حضرت مشار الیهک شیخ بزركوارلری
ابو سعیدالمبارك المخزومی حضرتلری اولوب انلرده ابوالحسن علی الهکاریدن
و انلرده ابوالفرج طرسوسیدن و انلرده ابی الفضل عبد الواحد التمیمیدن
و انلرده حضرت شیخ ابو بكر شبلیدن و انلرده سیدالطائفه حضرت
جنید بغدادیدن اخذ فیوض مقدسه بیورمشلردر
حضرت جنیدك سلسلۀ نسبتی سری سقطی و معروف كرخی و داود طائی
و حبیب عجمی و حسن بصری حضراتی واسطه+لریله امام (علی) كرم لله
وجهه و رضی الله عنه حضرتلربه واصل اولور
) اسدیه . اكبریه . مقدسیه . غریبیه . اشرفیه . رومیه
یافعیه . صمادیه . هلالیه . هندیه) طریقلری دخی طریقت علیۀ
قادریه شعباتندندر
٢ (رفاعیه) طریقت علیۀ رفاعیه سید احمد بن ابی الحس (علی رغاعی
حضرتلرینه منسوبدر حضرت مشارالیهك شیخ نزركوارلری علی
القاریء واسطی حضرتلری اولوب انلرده ابو الفضل بن الكامخ البغدادیدن
و انلرده ابو علی غلامدن و انلرده علی العجمیدن و انلرده جناب ابو بكر شبلیدن
و انلرده سید الطائفه جنید بغدادیدن اخذ نسبت بیورمشلردر بو حالده
مشارالیه حضرتلرینك سلسلۀ نسبت علیە+لری امام (علی) كرمالله وجهه
و رضی الله عنه حضرتلرینه واصل اولور
) حریریه . كیالیه . صیادیه . عزیریه . جندلیه . عجلانیه
قطنانیه. فظلیه . فضلیه . واسطیه . جبرتیه . زینیه . نوریه)
طریقلری دخی طریقت علیۀ رفاعیه شعباتندندر
(کبرویه) ۳
طریقت علیۀ كبرویه قطب الاقطاب ابو الجناب (نجم
الدین کبری) حضرتلرینه منصوبدر حضرت مشار الیهم شیخ عمار
یاسر و اسماعیل قصری و روز بهان بقلی حضراتدن و مشار الیهم دخی
ابو النجیب عبد القاهر ضیاء الدین سهروردی حضرتلرندن اخذ نسیت
بیورمشلردر ابوالنجیب جضرتلرینك سلسلۀ نسبتی كبرویلرجه امام
احمد الغزالی و ابو بكر النساج و ابوالقاسم كركانی و ابو عثمان لامغربی و ابو علی
رودباری حضراتی واسطه+لریله جنید بغدادی حضرتلرینه واصل اولور
. بهائیه . خلوتیه . فردوسیه . نوریه . ركنیه . همدانیه
نور بخشیه . برزنجیه ) طریقلری دخی طریقت علیۀ كبرویه شعباتندندر
(سهروردیه) ۴
طریقت علیۀ سهروردیه شیخ الشیوخ شیخ شهاب الدین
سهروردئ بکری حضرتلرینه منسوبدر حضرت مشار الیه عمیلری
شیخ ابو النجیب سهروردی حضرتلریندن و انلرده عمر بكری و رضی الدین
القاضی و محمد بکری و احمد دینوری و ممشاد دینوری حضراتی واسطه+لریله
یاخود طریقت کبرویه+ده محرر ذوات واسطه+لریله حضرت جنید بغدادیدن
اخذ طریق بیورمشلردر
)بدریه . زینیه . بهائیه . کمالیه . احمدیه . نجیبیه) طریقلری
دخی طریقت علیۀ سهروردیه شعباتندندر
(مدینیه) ۵
طریقت علیۀ مدینیه شیخ ابو مدین شعیب بن حسن
التلمسانی المغربی حضرتلرینه منسوبدر مشارالیهك شیخی ابو سعید المغربی
و شیخ ابو یعزی المغربی حضراتی اولوب انلرك شیخی دخی ابوالبركات علی
البغدادی و انلرك شیخی ابو الفضل محمد البغدادی و انلرك شیخی امام احمدالغزالی
حضرتلریدر اندن یوقاروسی طریقت كبرویه+ده ذكر اولندی ابو مدین
حضرتلرینک بر شیخی دخی سلطان الاولیاء عبدالقادر كیلانی حضرتلریدر
) جبرتیه . میونیه . دجانیه . علوانیۀ . حمویه) طریقلری دخی
طریقت علیۀ مدینیه شعباتدندر
٦ (اكبریه) طریقت علیۀ اكبریه سرالانبیاء و ختم الاولیا ابو عبد الله
)محیی الدین محمد) بن علی المغربی الطائی حضرتلرینه منسوبدر مشارالیه
حضرتلرینک نسبتلری شیخ جمال الدین یونس بن یحیی العباس
واسطه+سیله سلطان الاولیاء شیخ عبدالقادر كیلانی حضرتلرینه و شیخ
تقی الدین جامع واسطه+سیله حضرت (حضر) علیه السلامه پیوسته+در
و شیخ ابو مدین المغربی ایله همصحبت اولدیغی کبی اوچیوزدن متجاوز اولیاءالله
ایله دخی كوریشوب استفاضه بیوردقلری تألیفات جلیله+لرندن اولان
فتوحات مكیە+ده و رسالة الخرقه ده محرردر و بو طریق جمیع طرق حقك
مجموعه+سیدر
٧ (شازلبه) طریقت علیۀ شازلیه کبار مشایخ كرامدن ابو الحسن
علی بن عبد الله الشازلی حضرتلرینه منسوبدر حضرت مشارالیه دست
انابتی شیخ عبد السلام بن مشیشدن و انلرده شیخ عبدالرحمن مدنیدن و انلرده
تقی الدین الفقیر و نورالدین علی و تاج الدین و شیخ شمس الدین
و ابو اسحق ابراهیم و ابو محمد فتح السعودی . سعدالقیروانی و جابر
بن عبد الله الانصاری . حضراتی واسطه+لریله امام (حسن بن علی)
رضی الله تعالی عنهما حضراتندن اخذ ایتمشدر دیكر طریقله نسبت علیه+لری
ابو مدین المغربی حضرتلرندن جنید بغدادی حضرتلرینه موصولدر
)دسوقیه . احمدیه . وفائیه . زروقیه . حنفیه . جزولیه
غازیه . عیسویه . ناصریه . علمیه . مصطاریه . عفیفیه)
طریقلری دخی طریقت علیۀ شازلیه شعباتندندر
٨ (بدویه) طریقت علیۀ بدویه سادات كرامدن و اولیاءالله عظامدن
)احمد البدوی) حضرتلرینه منسوبدر حضرت مشارالیهك شیخ
بزركوارلری شیخ عبدالجلیل بن عبدالرحمن نیشابوری اولوب انلرده یدی
واسطه ایله جناب داود طائیدن و انلرده حبیب عجمیدن و انلرده حسن بصریدن
قدس الله اسرار هم العلیه اخذ طریقت بیوردقلرندن طریقت بدویە+نك سلسلۀ
نسبتی جناب علی المرتضایه واصل اولور حبیب عجمی حضرتلرینك
تلبس خرقه+ده ایكی واسطه ایله (انس بن مالك) حضرتلرینه دخی انتسابی
واردر اجازتنامه+لرده بو سلسلۀ شریفه تحریر اولنور سید بدوی
حضرتلرینك شیخ بری و شیخ ابو نعیم واسطه+لرله سید (احمد الرفاعی)یه
و بلا واسطه امام (شازلی)یه دخی انتسایی واردر
) شناویه . متبولیه . حلبیه . بیومیه . مرزوقه . سطوحیه
علوانیه) طریقلری دخی طریقت علیۀ بدویه شعباتندندر
٩ (مولویه) طریقت علیۀ مولویه محرم اسرار آلهی مولانا
)جلال الدین) رومی حضرتلرینه منسوبدر حضرت مشارالیهك شیخ
بزركوارلری شیخ السید (برهان الدین) المحقق ترمدی حضرتلری اولوب
انلردە جلال الدین رومی حضراترینك پدرلری سلطان العلما (محمد بهاء الدین)
ولد حضرتلرندن و انلرده اولاً شمس الائمۀ سرخسیدن و ثانیاً (نجم الدین
كبری) حضرتلرندن و انلرده عمار یاسر و سائره واسطه+لریله (ابوالنجیب)
حضرتلرندن اخذ فیض و کمال و سلسلۀ نسبت علیه+لرینی بش واسطە ایله جنید
بغدادی حضرتلرینه ایصال بیورمشلردر
مولانا جلال الدین رومی حضرتلری حضرت (شمس تبریزی) ایله دخی
صحبت بیوردقلری جهتله سلسلۀ نسبت علیه+لری رکن الدین سنجاسی
و قطب الدین ابهری واسطه+لریله دخی ابوالنجیب سهروردی حضرتلرینه
منتهی اولور
١٠ (دسوقیه) طریقت علیۀ دسوقیه شیخ (سید ابراهیم الدسوقی
حضرتلرینه منسوبدر حضرت مشارالیهك بر شیخی امام ابوالحسن الشاذلی
و دیكر شیخی نجم الدین محمود اصفهانی و شیخ نورالدین عبد الصمد نظریدر
و انلرده شیخ نجیب الدین علی شیرازیدن و انلرده شهاب الدین سهروردیدن
اخذ فیض بیورمشلردر
شرنوبیه . عاشوریه طریقلری دخی طریقت علیۀ دسوقیه شعباتندندر
١١ (سعدیه) طریقت علیۀ سعدیه شیخ (سعد الدین) جباوی
حضرتلرینه منسوبدر حضرت مشارالیهك شیخ بزركوارلری عبدالله
شیبانی اولوب انلرده شیخ مزید شبیانیدن و انلرده شیخ یونس شبیانیدن
و انلرده ابو مدین المغربیدن اخذ طریق بیورمشلردر
ابو مدین حضرتلرینك سلسلۀ نسبت علیه+لری سكز واسطه ایله جناب
)جنید) بغدادی+یه واصل اولور (تغلبیه . وفانیه . عاجزیه
سلامیه ) طریقلری دخی طزیقت علیۀ سعدیه شعباتندندر
١ (بكتاشیه) طریقت علیۀ بكتاشیه مشاهیر اولیاء اللهدن السید
حاجی بكتاش خراسانی حضرتلرینه منسوبدر حضرت مشارالیهك شیخی
شیخ لقمان خراسانی حضرتلری اولوب انلرده خواجه احمد یسویدن
و انلرده خواجه یوسف همدانیدن اخذ طریقت بیورمشلردر
خواجه یوسف همدانی حضرتلرینك سلسلۀ نسبت علیه+لری التی واسطه
ایله جناب صدیق اكبره و دیكر بر طریق ایله دخی جناب علی المرتضایه
واصل اولور
١٣ (نقشبندیه) طریقت علیۀ نقشبندیه خواجه محمد بهاء الدین
شاه نقشبندی الاویسی البخاری حضرتلرینه منسوبدر حضرت مشارالیهك
شیخ بزرکوارلری خواجه (امیر كلال) حضرتلری اولوب انلرده خواجه
) محمد بابای) سماسیدن و انلرده غریزان دیمكله معروف خواجه (علی
رامیتنی) حضرتلرندن اخذ نسبت بیورمشلردر خواجه علی رامیتنی
حضرتلرنك سلسلۀ نسبت علیه+لری خواجه (محمود انجیر مغنوی)
)خواجه عارف ریوكری) حضراتی واسطه+لریله خواجه (عبد الخالق)
عجدوانی حضرتلرینه و بو طریقله جناب صدیق اکبره واصل اولور
مولانا جلال الدین رومی حضرتلری (لفظۀ جلال) ذكرینی شاه نقشبند
حضرتلرینه تبلیغ و تلقین اولنمق اوزره امانةً خواجه علی رامیتنی
حضرتلرینه تلقین و تودیع و انلرده كذلك امانةً محمد بابای سیماسی+یه و انلرده
امیر کلاله تلقین ایدوب انلر دخی حضرت شاه نقشبنده ایصال و تبلیغ
بیورمشلردر شاه نقشبند حضرتلرینك ولادتی مولانا جلال الدین رومی
حضرتلرینك ارتحالرندن اوتوز سنه صكره واقع اولمشدر
)احراریه . ناجیه . کاسانیه . مجددیه . مرادیه . مظهریه
ملامیۀ نوریه . جامیه . خالدیه) طریقلری دخی طریقت علیۀ نقشبندیه
شعباتندندر
(خلوتیه) ۱۴
طریقت علیۀ خلوتیه شیخ (عمر اکمل الدین خلوتی)
لاهجی حضرتلرینه منسوبدر مشار الیه حضرتلرینك شیخی عمیلری شیخ
اخی محمد خوارزمی اولوب انلرده ابراهیم زاهد كیلانیدن و انلرده جمال الدین
تبریزیدن و انلرده شهاب الدین شیرازیدن و انلرده ركن الدین سنجاسیدن
و انلرده قطب الدین ابهریدن و انلرده (ابو النجیب) عبد القاهر ضیاءالدین
سهروردیدن احذ نسبت بیورمشلردر و انلرك نسبتی خلوتیلر نزدنده فاضی
وحید الدین عمرالبکری و شیخ محمد بن عمویة البكری و شیخ ابو احمد
اسود دینوری و شیخ ممشاد دینوری واسطە+لریله جناب (چنید)
بغدادی+یه موصولدركه بو طریق امام (علی) كرم الله وجهه و رضی الله
عنه حضرتلرینه منتهی اولور
طریقت خلوتیە+ده پیر ثانی شیخ الشیوخ (السید یحیی الشیروانی) حضرتلری
اولوب سلسلۀ نسبت علیه+لری شیخ صدر الدین خیاوی و شیخ حاجی
عزالدین و شیخ اخی امیر م محمد واسطە+لریله شیخ عمر الخلوتی حضرتلرینه
واصل اولور
بلاد اطرافه خلیفه كوندروب نشر طریقت ایتمك اشبو یحیای شیروانی
حضرتلرندن بدأ ایلدی انك ایچون طریقت خلوتیه قول قول اولمش
و (کلشنیۀ خلوتیه . و مرداشیۀ خلوتیه . سنبلیۀ خلوتیه . شعبانیه
شمسیه . احمدیه . جمالیۀ خلوتیه . بخشیۀ خلوتیه . عسالیۀ
خلوتیه) طریقلری ظهوره كلمشدر
١٥ (بیرامیه) طریقت علیۀ بیرامیه كبار اولیاء اللهدن (حاجی
بیرام) انقروی حضرتلرینه منسوبدر و مشارالیه حضرتلرینك شیخ
بزركواری شیخ (حامد) قیصری حضرتلری اولوب انلرده خواجه
علی اردبیلی و صدرالدین اردبیلی و شیح صفی الدین اردبیلی واسطە+لریله
)ابراهیم زاهد) كیلانیدن اخذ فیض بیورمشلردر زاهد مشارالیهك
سلسلۀ نسبتی خلوتیه+ده ذكر اولندی شیخ حامد قیصری حضرتلرینك
بر نسبتی دخی سلطان العارفین (ابایزید بسطامی) حضرتلرینه واصل اولور
و بو جهتله طریقت بیرامیه جامع نسبة العلویة والصدیقیه عد اولنور
) ملامیه . حمزویه . شمسیه . تنوریه . همتیه . عیسویه
جلوتیه) طریقلری دخی طریقت علیۀ بیرامیه شعباتندندر
١٦ (زینیه) طریقت علیۀ زینیه کبار اولیاءاللهدن (زین الدین
ابو بکر) الحافی حضرتلرینه منسوبدر و حضرت مشارالیهك شیخ
بزرکواری عبدالرحمن نورالدین مصری حضرتلری اولوب انلرده شیخ
جمال الدین یوسف كورانی حضرتلرندن و انلرده حسین حسام الدین
شمشیریدن و انلرده طریقت دسوقیه+ده مذكور اولان نجم الدین محمود
اصفهانیدن اخذ طریق اتمشلردركه سلسلۀ نسبت علیه+لری اکی واسطه ایله
شهاب الدین سهروردی حضرتلرینه واصل اولور مشارالیه عبدالرحمن
مصری حضرتلرینك دیكر شیخی ظهیرالدین عیسی المصری اولدیغندن
بونلری دخی شیخ عبدالسلام قلیبی و ابو لفتح واسطی حضراتی وساطتیله
جناب احمد الرفاعی+یه وارر و بو جهتله طریقت زینیه انوار سهروردیه
و اسرار رفاعیه+یی جامع عد اولنور
١٧ (كاشنیه) طریقت علیۀ كلشنیه مشایخ ذوی الاحترامدن (ابراهیم
کلشنیء) هیبتی حضرتلرینه منسوبدر و مشارالیه حضرتلرینك شیخی
)عمر دده) روشنی اولوب نسبتلری شیخ الشیوخ سید یحیای شیروانی
حضرتلرندندر
) سزائیه . حالتیه) طریقلری دخی طریقت علیۀ كاشنیه شعباتندندر
١٨ (سنللیه) طریقت علیۀ سنبلیه سنبل سنان یوسف المرزیفونی
حضرتلرینه منسوبدر و حضرت مشارالیهك شیخ بزرکواری چلبی
خلیفه دیمكله مشهور (محمد جمال) الخلوتی حضرتلری اولوب انلرده
پیر محمد ارزنجانی حضرتلرندن و انلرده سید یحیای شیروانی حضرتلرندن
اخذ نسبت بیورمشلردر و جمال خلونی حضرتلرینك طریقت زینیه+یه
دخی انتسابی واردر و بو جهتله طریقت سنبلیه طریقت خلوتیه و زینیە+یی
جامع شاهراه صفادر
١٩ (احمدیه) طریقت علیۀ احمدیه اكابر اولیاء رومدن شیخ احمد
شمس الدین مرمرویء صاروخانی حضرتلرینه منسوبدر مشارالیه
حضرتلری من طرف الله عموم مشایخك تربیه+سنه مأمور اولدیغندن یكیت
باشی دیمكله شهور ایدی سلسلۀ نسبت علیه+لری شیخ علاءللدین عشاقی
و شیخ ابراهیم کامل قیصری و پیر محمد بهاءالدین ارزنجانی حضراتی
واسطه+سیله قدوۀ سادات خلوتیه سید یحیای شیروانی حضرتلرینه واصل
اولور و اشبو طریقت احمدیه شعبات خلوتیه میاننده اورته قول صاییلور
)سنانیه . عشاقیه . رمضانیه . جراحیه . مصریه . بخوریه)
طریقلری دخی اشبو طریقۀ وسطی شعبە+لریدر
٢٠ (شعبانیه) طریقت علیۀ شعبانیه كبار اولیاءالله كرامدن شیخ
)شعبان) قسطمونی حضرتلرینه منسوبدر و مشارالیهك شیخی شیخ
خیرالدین توقادی حضرتلری اولوب انلرده شیخ محمد جمال الحلوتی
حضرتلرندن اخذ طریقت بیورمشلردر و بو حالده سنبلیه كبی بو طریقت
دخی زینیه و خلوتیه طریقلرینی جامعدر
)قره باشیه . نصوحیه . چركشیه . بكریه) طریقلری شعباتندندر
٢١ (عشاقیه) طریقت علیۀ عشاقیه كبار اولیاءاللهدن (حسام
الدین) بخارئ عشاقی حضرتلرینه منسوبدر و مشارالیهك شیخی سید
احمد السمسرقندی حضرتلری اولوب درسعادته تشریفلرنده شیخ (ابراهیم امی
سنان) حضرتلرندن دخی اخذ طریقت بیورمشلردر انلرك شیخی الحاج
عزالدین قرمانی یكیت باشی افندی خلفاسندندر بونلره رسم مخصوص
صائم الدهر اولمقدركه طریقلرنده زیاده علی المنصوصدر
)مصلحیه . جاهدیه . جمالیه . صلاحیه ) طریقلری دخی طریقت
عشاقیه شعباتدندر
(جلوته) ٢۲
طریقت علیۀ جلوتیە+نك قمرانور نسبتی شیخ ابراهیم
زاهد کیلانی زماننده مرتبۀ هلالده اولدیغی حالده شیخ محمد افتاده و عزیز
محمود هدایی حضراتی زمانلرنده بدر كامل اولدی مشارالیه هدایی
حضرتلری مصرده شیخ كریم الدین خلوتیدن اخذ نسبت ایتدیسه ده اصل
تربیه+سی بروسوی شیخ افناده حضرتلرندندر و انلر دخی حضر دده مقعد
و انلرده حاجی بیرام ولی حضرتلرندن استخلاف بیورمشلردر (سلامیه . حقیه . هاشمیه) طریقلری دخی طریقت علیۀ جلوتیه+كك
٢٣ (مصریه) طریقت علیۀ مصریه کبار اولیاءاللهدن شیخ محمد
المصریء نیازی حضرتلرینه منسوبدر و حضرت مشارالیهك شیخی
شیخ سنان امی المالی حضرتلری اولوب انلرده ارزاده شیخ احمد و شیخ
عبدالوهاب المالی و شیخ طالب امی واسطه+لریله یكیت باشی افندی حضرتلرندن
اخذ فیض بیورمشلردر
٢٤ (جراحیه) طریقت علیۀ جراحیه مشایخ ذوی الاحترامدن
)نورالدین جراحی) حضرتلرینه منسوبدر و حضرت مشارالیهك شیخی
شیخ علی كوستندیلی حضرتلری اولوب انلرده سکز واسطه ایله یكیت باشی
افندی حضرتلرندن اخذ فیض بیورمشلردر
٢٥ (بكریه) طریقت علیۀ بكریه سید مصطفی البكری الصدیقی
حضرتلرینه منسوبدر و دیار عربده طریقت علیۀ خلوتیە+یی نشر ایدن
بو ذات عالیقدردر و شیخلری مصری حاجی بابا دیمكله معروف و ادرنه+ده
مدفون شیخ مصطفی البولوی اولوب بو دخی قره باش ولی حضرتلرندن
و انلرده اسماعیل چورومی و شیخ عمرالفوأدی و شیخ محیی الدین واسطه+لریله
حاجی شعبان ولی حضرتلرندن اخذ نسبت بیورمشلردر مشارالیه سید
مصطفی البكری حضرتلرینك عبدالغنی نابلسی و شیخ محمد بدیر دمیاطی
و شیخ محمد بن عقیلة المكی حضراتندن دخی استفاضه ایلمش اولدیغندن
جامع جمیع طرق صوفیه اولمشردر
)حفنیه . سمانیه . دردیریه . ازهریه . تجانیه . صاویه
كمالیه . حلوتیه) طریقلری دخی طریقت بكریه شعباتندندر
٢٦ (خالدیه) طریقت علیۀ خالدیه شیخ ضیاءالدین مولانا خالد
حضرتلرینه منسوبدر و حضرت مشارالیهك شیخی شیخ عبدالله دهلوی
حضرتلری اولوب انلرده شمس الدین جان جانان مظهر حضرتلرندن و انلرده
محمد نور بدوانی حضرتلرندن و انلردە سیف الدین عارف حضرتلرندن و انلرده
عروة الوثقی محمدالمعصوم حضرتلرندن و انلرده پدرلری مجدد الف ثانی امام
ربانی احمد الفاروقیء سرهندی حضرتلرندن اخذ طریقت بیورمشلردر
و انلرك سلسلۀ نسبت علیه+لری دخی التی واسطه ایله شاه نقشبند حضرتلرینه
پیوسته+در و حضرت خالدك طریقت چشتیه و قادریه و سهروردیه
و كبرویە+دن دخی فیضلری واردر
بالاده محرر طرق علیە+دن بشقه یالكز اسامیسی معلوم اولنلر دخی شونلردر
اویسیه . انسیه . كملیه . ادهمیه . اعظمیه . صوفیه
طیفوریه . خرازیه . قصاریه . نوریه . جنیدیه . بسطامیه
خاطریه . هواریه . سهیلیه . خفیفیه . عشقیه . اسحاقیه
علویه . غزالیه . قشیریه . وفائیه . ابهریه . صفویه
عریضیه . عقیلیه . یسویه . یعزیه . قلندریه . شیبانیه
صابریه . عبادیه . عمودیه . مشیشیه . حیدریه . شستریه
شطاریه . عیدروسیه . نظامیه . ایقانیه . نعمة اللهیه . میرغنیه
جبرتیه . شاه عالمیه . غوثیه . مداریه . شعرانیه . حدادیه
ادریسیه