پروتستان —
اوروپا حكماسندن مشهور (لوتر)ك قتولكلره قارشو (١٥٢٠ م و ٩٢٧ ه) تاریخنده احداث ایلدیكی مذهبك اسمیدر. بو مذهبك اصحابی ابتدا (لوتریه+ن) نامیله شهرت بولوب (١٥٢٩ م و ٩٣٧ ه)
تاریخنده المانیاده تشكل ایدن ایكنجی (اسپیر) جمعیتنك كندو اعتقادلری علیهنده+كی قرارینی پروتستو ایتدكلریچون پروتستان نامنی المشلر و كیدرك اعتقاد كلمه+سنده محرر اولدیغی اوزره اون بش شعبه+یه منقسم اولمشلردر. لكن اشبو پروتستانلق مذهب رسمی حكمنه كیرنجه+یه قدر قتولكلرله پك چوق رقابت و مقاته+له+لری وقوعبولدی و بر مدت پروتستانلر قتولكلرك مغلوبی اولوب بر مدت دخی پروتستانلر قتولكلرله اوغراشدیغندن ایكی طرفدن ملیونلرله نفوس آخرته كتدی و بو اختلاف و ادعانك انجامی امور جسمانیه+جه دخی بیوك نتیجه+لر كوستره+جكنی ملاحظه ایدن اوروپا حكمدارلری خیلی زمان خلجانه دوشوب دفعی اسبابنه تشبث ایتدی و (١٥٧٢ م و ٩٨٠ ه)
تاریخنده فرانسه قرالی ایكنجی صبی (فرانسوه)نك وصیسی (قترین ده مدیس) پاپاسلردن الدیغی نصیحت اوزرینه بر كیجه التمش بیك پروتستانی بغتة دیار عدمه كوندردی لكن بو تدبیرلر وتهدیدلرله انقراضلری ممكن اوله+میوب از وقت ایچنده پروتستانلق اوروپانك اكثر ممالكنه منتشر اولدی