برمكی —
ابتدای دولت عباسیه+ده متتابعاً رتبۀ صدارتی احراز ایدوب فوق+الغایه نفوذه مالك اولان و انلره متعلق بولنان ذواتك شهرتیدر و برنجیلری خراسان ولایتی اشرافندن (رمك) نامنده بر كمسه+نك اوغلی (خالد)در. اشبو خالد دولت عباسیه+یی تشكیل اوغورنده پك چوق خدمتی سبقت ایلدیكنه بناء دولت مشار+الیهانك برنجی خلیفه+سی (ابو العباس السفاح) مومی+الیهی كندوسنه صدراعظم ایتدی و خلفی (ابو جعفر المنصور) ابقا و استخدام ایلدی مؤخراً (هارون الرشید) دخی مومی+الیهك اوغلی اولان و حال صباوتنده كندوسنك خواجه+سی بولنان (یحیی) برمكی+یی و بر مدت صكره یحیانك اوغلی (فضل)ی و متعاقباً دیكر اوغلی مشهور (جعفر برمكی)یی مقام صدارته كتوردی لكن بونلرك كیدە+رك بین+العوام و خواص شرف و شهرتلری تزاید و نفوذلری حد اعتدالی تجاوز ایلدیكندن (هارون الرشید) بعض اوهامه تابع اوله+رق حجدن عودتنده جعفر برمكی+یی انبار قصبه+سنده و برحیاة اولان پدری یحیایی و جعفرك قرنداشی فضلی (رقه) زنداننده اعدام ایتدیروب مراقدن قورتلدی. بو وقوعات (٨٠٢ م و ١٨٧ یاخود ١٨٩ ه) تاریخنده اولمش و مأمورین دولت ایچنده مومی+الیهمه متعلق نقدر آدم وار ایسه جمله+سی طرد و خانه+لری هدم و ماللری مصادره اولنمش و ناملرینك قاله النمسی قطعیاً
ایدلمشدر. برمكیلرك جد اعلاسی اولان مرقوم (برمك)ك بلح دیارندن اولدیغی و مجوسی الاصل اولوب وقتیله بر آتشكده خدمتنده بولندیغی و اوغلی صكرە+دن اسلامه كلدیكی دخی بعض تواریخده محرردر.