)برلین —
پروسیا دولتنك پایتختیدر. بو شهر پارسك شمال شرقیسنده و سكز یوز طقسان كیلومترو بعدنده و (سپره) ایرماغی كنارنده و قوملق بر صحرا اوزرنده واقع و براندبورغ ایالتنك مركزی اوله+رق بر ملیون طقسان بیك نفوسی جامعدر و دروننده اوتوزدرت جسر و اون طقوز خسته+خانه و بریسی قتولك اولمق اوزره یكرمی بر كلیسا و ایكنجی (فره+دریق) ایله
(شیلر)ك هیكللری و قرال سرای و قصرلری و متعدد مكتبلر و تعلیمخانه+لر و موزه و رصدخانه+لر و هر درلو علوم و صنایع ایچون جمعیتلر واردر و چوقه و پورسلن و تنتنه و سیم و زر شرید و اقمشۀ حریریه و قطینه و ساعت و سائره اعمال اولنمقدە+در (برلین) شهری.
(١١٤٧ م و ٥٣٧ ه)
تاریخنده هامبرغ مارغریدی اورسی (البر) معرفتیله تأسیس اولنوب (١٤٩٥ م و ٩٠١ ه)
تاریخندنرو مارغراولر اقامت ایتمش و اولوقت اهالیسی اون بیك نفوسدن عبارت اولدیغی حالده صكره یعنی (١٦٥٠ م و ١٠٦١ ه)
تاریخنده بیوك هرسك (فره+دریق) كیلیوم زماننده كسب اهمیت ایلمشدر. برلین شهرینی (١٧٥٧ م و ١١٧١ ه) تاریخنده اوستریالولر و اوچ سنه
صكره روسیه+لولر و قرق التی سنه صكره فرانسزلر استیلا ایدوب ینه استرداد اولندی.