بركه — دشت فپچاقده حكمران اولان بر پادشاهك اسمیدر بو مناسبتله دشت مزبوره دشت بركه دخی دیرلرایدی وقتیله پادشاه مشار+الیه ایله زیر دستانی كاملاً بتپرست ایكن توفیق سبحانی ایله جملةً اسلامی قبول ایتمش و مشار+الیه اطراف ممالكده اولان مشاهیر علماء اسلامیه+یی و ولغا نهری شعباتندن (سنكلا) نام ایرمق اوزرنده تأسیس ایتدیكی سرای) نام پایتختنه دعوت ایدوب علوم نافعۀ دینیه+یی نشر ایتدیرمش و كندیده كمال عدالتله اجرای حكومت ایلمش اولدیغندن دشت مزبور قرا و قصبات معموره ایله طولدی و پایتخت مذكور دخی (قطب الدین) علامۀ رازی و (سعدالدین) تفتازانی و سید (جلال الدین) و (حافظ الدین) غبرازی و (احمد) جندی كبی علماءعلم عظامك شرفقدوملریله رشك آور ممالك اسلام اولدی ایسه ده حیفا كه آلتمش اوچ سنه صكره تیمور مقهورك اورالره دخی پای انداز تعدی اولمسیله بالكلیه خراب و ویران و اهالیسی پراكنده و پریشان قالمش و شمدیكی حالده (اژدرهان) شهرندن بشقه بر اثر عمارت كورلمامكده بولنمشدر.