برکة الست —
مصر حكمداران اسلامیه+سندن سلطان ملك اشرفك والده+سیدر. (ام السلطان) عنوانیله و غایت احتشام و تجملات
ایله شهرت بولمش بر خاتون ایدی حتی (١٣٦٨ م و ٧٧٠ ه) تاریخنده حج شریفه كیدركن پك بیوك كلفتلر اختیار ایدوب هر درلو نفائس مأكولاتدن فضله اكلی معتاد اولان اطعمۀ حضرویه+نك تازه+دن تازه+یه پیشوریلوب قوتارلسیچون لایعد دوە+لر اوزرنده سبزە+لر اكیلی طپراق ساقسیلر و تخته صندقلر و سودی آلنمق و یغوردی یپیلمق ایچون برچوق اینكلر و قیونلر كوتورمش و بعد الحج ینه بو صورتده عودت ایلمشدر. مشار ایها خیرات و حسناتی سور بر خاتون اولمغله پك چوق آثار خیریه بنا ایلدی و حجدن عودتنك یدنجی سنه+سنده وفات ایدوب بنا ایلدیی (مدرسۀ ام السلطان)ه دفن اولندی