پرکارالنسبه —
پرنچ ویا فیل دیشندن معمول وساقینی حاوی بر آلت اولوب ایكی طرفنده مرسوم خطوط و تقسیمات واسطه+سیله بر خط مسنقیمك مراد اولنان اقسام متساویه+سندن بر قسمنك اخذی و خطوط معلومۀ مفروضه ایله متناسب اقسامه تقسیمی و هرقنغی بر شكله مشابه شكل آخر رسمی و نصف قطری معلوم اولان بر دائره داخلنه مرسوم اشكال منتظمه+دن هرقنغی بر شكنك ضلع واحدینی بولمق و بر جسم منتظمك اصناف و اجزاسنه مساوی جسم آخر رسم ایتمك مثللو خطوط و سطوح و اجسامه دائر خیلی مسائل بالسهوله حل ایدلدیكندن آلت مذكوردن هر بر اوستونج طاقمنده بر عددی بولنور.