برقه / بارقه — افریقای شمالیده و بنغازی ولایتی داخلنده و ساحل بحرده بر كوچك قصبه+در بو نام اورا سواحل و اراضیسنه و شهر مزبورك بولندیغی كورفزه دخی ویرلمشدر. برقه و بنغازی و حوالیسنی (٦٤٢ م و ٢٢ ه) تاریخنده (عمرو بن العاص) فتح ایتدی لكن اهالیسی دنیلان خیمه نشین بربریلرك حال بدویتدن قورتیله+مامسی و اورالرده برقاچ كره بیوك مقاتلات وقوعه كلمسی و مؤخراً دخی نظر اعتنایه النه+مامسی او منبت اووه+لری غیر مزروع بر چول حالنه كتوردی. بو ولایتك اراضیسی اولدرجه محصولداردركه حبوبات زرعیچون اوزون اوزادی چفت سورمكه حاجت كورلمز و موجود اولان خدایی نابت زیتون اشجارینك مقداری تخمین قبول اتمز. و بر ملیون اهالی اسكان ایدلمش اولسه هیح بری ضرورت چكمز