) برقوق —
ملوك چراکسۀ مصریه+نك برنجیسی اولان سلطان ملك الطاهرك لقبیدر. فی+الاصل غلامان چراكسه+دن اولدیغی حالده اثبات لیاقت و شجاعتله قطع مراتب و تحصیل نفوذ ایدرك ملوك اتراك مصریه+دن صغیر (صالح)ك اتابکی اولمش ایدی (١٣٨٣ م و ٧٨٥ ه) تاریخده ظهور ایدن اختلال صغیر مومی+الیهك خلعیله ملوك اتراكك انقراضنی نتیجه ویردكده مومی+الیه مجلوبی اولان اکثر امرای مصریه+نك انتخابیله تخت مصره اوتوردی و پك كوزل اداره ایدوب مصرده خیلی آثار وجوده كتوردی و دولت علیه ایله غایت خوش كچندی و اسكندریه+ده فرنكلرله ایتدیكی محاربه+یی قزانوب ١٦ قطعه حرب سفینه+لرینی ضبط ایلدی وتیمورلنك ایله ایتدیكی محاربه+ده مغلوب اولوب فقط تیمورك شامده اولان عسكرینی دفعه موفق اولدی و (١٣٩٨ م و ٨٠١ ه) تارخنده زیاده+جه بال
یدیكندن آغزینك طادی قاچوب یعنی خسته+لنوب وفات ایلدی. اشبو ملوك چراكسه تاریخ مزبوردن اعتباراً یوز اوتوز سكز سنه دوام ایتمش و سلطان سلیم حضرتلری مصری بونلردن آلمشدر