برق —
سیال الكتریقی ایله محمول بلوطلردن حاصل اولان شرارۀ الكتریقیه+نك كوزلری قماشدیررجه+سنه كوریلان پارلدیسیدر شرارۀ مزبوره ارضه یقین هوا طبقه+لرنده بیاض و غایت ارتفاعده هوای نسیمی رقیق اولدیغندن موره قریب كوریلور و لمعان برق خط منكسر شكلنده وقوعبولدیغنده غایت مضیء مشاهده اولنور و بر جسم مشتعلك دفعةً پارلامسی كبی سریع وقوعبولدیغنده فوق+الافق هر طرف پر ضیا و ارضه اینمكسزین داخل سحابده محو اولور و (برق حار) دنیلان بر نو برق دخی اكثریا یاز كیجه+لری هوا آچیق ایكن و قوعبولوركه هیج بر غمغمه و كورلتی ایشیدلمكسزین تحت الافق واقع اولان لمعان برقك عكسی اولمق اوزره كورینور و بعضاً كروی الشكل بر نوع برق دخی اولوركه بو برق سطح ارضه نزول ایتدیكی اثناده ضیاسی اون ثانیه قدر سورر. اشبو برقلردن اوچ اولكیلرك مدت دواملری همان برثانیه+نك بر ملیون قسمندن بر قسمی اولمق اوزره ارباب فن طرفلرندن كشف و نخین اولنمشدر