برغمان —
اوروپا كیمیاكرلرندن بر مشهور ذاتدر اصلی اسوجلی اولوب
(١٧٨٤ م و ١١٩٩ ه) تاریخنده وفات ایلمشدر. اجسام
معدینه+نك تركبات كیمیویه+سنی تدقیقه دائر بعض اساس وضع ایدن و مایعات قرستاللرینك اشكال هندسیۀ متنوعه+سنی ابتدا نظر دقته آلان و (مولدالماء كبریتی) و (خامص فخمی)یی كشف ایدن و تشدید حرارت نار ایچون فرانسزجه (شالیمو) و فارسیجه (دهندم) دیدكلری اینجه بوری ایله اوفله+مك اصولنی بولان بودر تیمورك تحلیلی و ارضك احوال طبیعه+سی و معادنك بعص كیفیاتی حقنده دخی كتابلری واردر