پرشتنه —
روم ایلنده قوصوه ولایتنك مركزی اولان شهردر. بو شهر سلطان مراد اول و ثانی حضراتنك (١٣٨٨ م و ٧٩١ ه) و (١٤٤٨ م و ٨٥٢ ه) تاریخلرنده محاربه ایتدكلری مشهور قوصوه صحرای وسیعه+سنك جهت شمالیسنده بر یماجده واقع اولدیغندن منظرە+سی غایت لطیفدر اهالیسی اون ایكبیك راده+سنده+در سلطان مراد اول شهید حضرتلرینك و سنجقداری غازی مستان اغانك خارج شهرده وقصبه+نك یارم و بر ساعت بعدلرنده اولان تربه+لری زیارتكاه خواص و عوامدر و درون
قصبه+ده اون اوچ جامع و بر مدرسه و متعدد مكاتب موجود اولوب بو جامعلردن ایكیسی سلطان مشار+الیه ایله سلطان محمد ثانی حضرتلرینكدر. و عصر اخیرده صرپلولری تربیه+یه مأمور اولان پرشتنه+لی مشهور (مالك پاشا)نك تربه+سی دخی قصبه دروننده+در. نیش خارجنده اولان (كله قله)سنی پاشای مومی+الیه یاپدیرمش ایدی. (سلطان مراد اول و ثانی) كلمه لرینه دخی مراجعت بیوریله.