پرزرین —
روم ایلنده مناستر ولایتنه ملحق بر سنجاق مركزیدر. بو شهر اشقودرە+ده بحره منصب اولان (آق دیرن) نهرینك جهت شرقیسنده و بربچق ساعت بعدنده واقع اولوب بنالری طبقه طبقه انشا اولندیغندن منظره+سی غایت كوزلدر و اهالیسی اون بش یكرمی بیك راده+سنده و جوامع و مساجد و مدارس و مكاتبی منتظم صورتده+در. مؤلف تربه+سی دیمكله مشهور اولان محل و اوستنده مؤلف مومی+الیهك و طازیسنك ایاغی ایزی كوریلان بر بیوك طاش زیارتكاهدر و بوندن بشقه شهرك بر ساعت خارجنده و (زوك) قریه+سی قربنده موجود اولان و اون بش كشی قوجاقلیه+مدیغی جهتله دنیاده اغاجلرك اك بیوکی اعتقاد اولنان و اوزرندن بر نوع صو
آقمقده بولنان چنار اغاجی شایان تماشادر بو اغاج خرستیانلر نزدنده غایت مقدس طوتیلوب دائما زیارت اولنمقده و آقان صویندن النوب ایچلمكده+در. پرزرین قصبه+سی خارجنده قز قله+سی نامیله متعارف اولان كوچك بر قلعه خرابه+سی و جوارنده كوریلان ابنیۀ عتیقه انقاضی وقتیله شهرك اوراده اولدیغنی ظن ایتدیرر. پرزرینی مقدما بر آره+لق اوستریالیلر ضبط ایتدیسه ده كوپریلی زاده مصطفی پاشا (١٦٨٩ م و ١١٠١ ه)
تاریخنده پرشتنه و شهر كویی و نیش و سمندره قلعه+لریله برابر ینه استرداده موفق اولدی. بوراده تیمورجیلك خیلی ایلرو كتمش و اعلا اسلحه اعمال اولنمقده بولنمشدر.