ابو بكر الصدیق رضی اه عنه — خلفای راشدین حضراتنك
برنجیسیدر و اسم عالیلری عبداه بن عثمان الفریشی کنیه+لری ابن قحافه
مولد سنیه+لری مکۀ مكرمه+در. پادشاه زینتسرای كنج تجرید و شهنشاه
دولتسزای كنج تفرید اولان حضرت مشار الیه قبل الاسلام دخی علم
تاریخ و تحقیق نسب عرب و تعبیر رویاده ماهر بر وجود جلیل القدر
ایدی صكره اسلامه كلان رجالك برنجیلكی شرفنه و عنوان معالی
ارتسام یار غاری+یه و (انت عتیق من النار) بشارت سنیه+سنه دخی نائل
اولدی و هجرت نبویه+نك طقوزنجی سنه+سنده جانب سنی الجوانب نبویدن
عهدە+سنه امارة الحاج توجیه بیورلدی و بو سنه مكه+ده سورۀ (براءة)
فرائت اولنه+رق تجدید عهود اجرا ایدلدی و حضرت پیغمبر افندمز
ارتحال دار بقا بیوردیغی كون حضرت عمر رضی اه عنه كمال اسف و جلال
و استغراقندن ناشی یا مؤمنین حضرت محمد سمایه رفع بیورلدی هركیم فوت
اولدی دیر ایسه شو قلجمله اعدام ایدرم دیدیكنی متعاقب حضرت
ابو بكر الصدیق (ومامحمد الارسول قدخلت من قبله الرسل افان مات
اوقتل انقلبتم علی اعقابكم ) الی اخره آیت كریمه+سنی اوقودیغی كبی حضرت
عمر كلامندن رجوع و تصدیق بیوردی و حضرت ابو بكرك خلافتی
جزئی بر اختلافدن صكره جمله مؤمنین طرفندن قبول و رسم بیعت اجرا
اولندی و زماننده تنبی ایدن اسود عنسی و مسیلمة الیمامی و سجاح و طلیحة
الاسدی و امثالی مفسدلر و هنوز ذهنلرنده اسلام تقرر ایتمیان و زكات اموالی
ویرمامك ایچون بعض منافقین طرفندن تشویق اولنوب ارتداد ایتمك استیان
بدوی جاهللر حرباً تأدیب و اصلاح اولندی و (٦٣٣ م و ١٢ ه) تاریخنده
وقوعبولان مشهور (یرموك) محاربه+سی قزانلدی و اوراق پریشان اوزرنده
محرر اولان قرآن كریم جمع و تدوین ایدلدی. حضرت ابو بكر الصدیق
حضرت فخر كائماتدن ایكی یاش كوچك اولدیغی و التمش اوچ یاشنده
بولندیغی حالده هجرت نبویه+نك اون اوچنجی سنه+سنده مسموماً وفات ایتمش
و كیجه روضۀ مطهره داخلنه دفن اولنمشدر. بعضیلر تسمیم ایدن
بر یهودی ایدی دیرلر و بعضیلر تسمیم اولنمدی یكرمی بش كون قدر حما
علتندن یاتوب اندن وفات ایلدی دیدیلر هرنه حال ایسه حضرت مشارالیه
شمس تابان احمدیدن پرتوتثار اولان ضیای فضیلت و ثباتك مظهر جلیل
القدری ایدی.
عقیب خلافت سنیه+لرنده اوقودیغی خطبه+نك بر فقره+سی شویله+در (والله
ما كنت حریصاً علی الامارة یوماً ولیلة قط ولا كنت فیهاراغباً و لاسألتها
الله قط فی سرو علانیته و مالی فی الامارة من راحة).
وفات ایدركن صوك كلاملری شودر (توفنی مسلماً والحقنی بالصالحین).
اسود و مسلمه و یرموك كلمه+لرینه دخی مراجعت بیوریله.