لغات تاریخیه و جغرافیه

Lugat-ı Tarihiyye ve Coğrafiyye

پرتو پاشا

پرتو پاشا — داماد خلیل رفعت پاشا دیوان كاتبی تیمور افندینك مخدومیدر و كندیدخی پاشای مشار+الیهك حجر تربیه+سنده نشوونما بولمشدر كافۀ علوم و فنون و برقاچ ده لسانه آشنا اولدیغندن متعدد تألیفات و اثار مترجمه یادكار براقمشدر. مؤلفاتندن بری اسلامك تعدد زوجاتی علیهنده بولنان افكار سخیفه اصحابنی رداً یازدیغی (اطلاق الافکار فی عقد الابكار) نام كتابدر و بری دخی (فرمصون) دنیلان فرقه+نك ذهابنی رد مقصدیله قلمه الدیغی خوابنامه نام رساله+در قوۀ قلمیه+سی متین و اشعاری پك رنكین ایدی. (١٨٧١ م و ١٢٨٨ ه) تاریخنده قسطمونیده خناقدن وفات ایلدی.