لغات تاریخیه و جغرافیه

Lugat-ı Tarihiyye ve Coğrafiyye

پرتو پاشا

پرتو پاشا — خیلی زمان دولت علیه+نك برنجی وكلاسی صرە+سنده بولنمش و نفوذینی بالجمله وكلایه تأثیر ایتدیرمش بر فاضل ذیشاندر. فی الاصل طاریجه+لی اولدیغی حالده باب عالی اقلامنه دوام ایدرك آمدی خلفاسی سلكنه كچوب اورادن صدارت عظما كتخدالغی مسند جلیلنه و اندن رتبۀ سامیۀ وزارتله ملكیه نظارتنه نائل اولدی. و (١٨٣٧ م و ١٢٥٣ ه) تاریخنده بعض یولسز اوضاع و حركاتنه مبنی غضب شاهانه+یه اوغرایه+رق ادرنه+یه نفی اولنوب براز مدت صكره ادرنه والیسی امین پاشانك تدبیریله اخناق ایدلدی. خیلی اشعاری و بر دیوانچه+سی واردر