بربر — اولاد كنعاندن تشعب ایتمش بر بیوك عرب قبیله+سنك اسمیدر. بونلرك وقتیله یمن یاخود فلسطین دیارندن مغرب زمینه و (سنغامبیا) حدودینه قدر ایچرولره طوغری یایلدقلری بعض تواریخده مقید ایسه ده زمانلری و سبب انتشارلری معلوم دكلدر. اشبو بربریلر )كتامه) و (صنهاجه) و (تواریك) و امثالی قبائل متعدده+یه منقسم اولوب اك جمعیتلی محللری یعنی مالك بربریه طرابلس و تونس و جزایر و فاس و جنوبی مغرب اقصاده اولان سید هاشم ولایاتی و ملحقاتندن عبارتدر. وقتیله بونلر (سجلماسه) و (بنوادریس) و (مرابطین) و (بنی مدرار) و (بنی اغلب) و (بنی بادیس) و (ملثمین) و (موحدین) و (حفصیون) و (بنی مزین) و (بنی عمار) و (بسكره) و (بنی وطاس) و ) بنی رستم و (فاطمیه) ناملریله فاس و تونسده و بعض دیار مغربده حكومت سورمشلر ایدی.