براهما —
اسكی هند مجوسیلرینك مربیء اول یاخود (رب الارباب) اعتقاد ایتدكلری شخص موهومك اسمیدر. بو شخص انلرك زعمنجه ابتدا (سراسواتی) یعنی (سرسوتی) نهریله (دریسهادواتی) نهری آره+سنده واقع اراضی+یی مسكن اتخاد ایدوب (جامما) و (غانج) نهرلرینك شمال طرفی نوع بنی ادم ایله كسب معموریت ایتدكدنصكره اورایه نقل مكان ایلمش ایمش. اسكی مجوسیلرك دخی تعدد آلهه ذاهب اولدقلری اشبو براهمانك رب الارباب اعتقادلریله دخی استدلال اولنور. الیوم هندستانده موجود اولان مجوسیلر (براهما)یی خالق اعتقاد ایدوب بوندن (ویشنو) نامیله ظهور ایدن برنجی آلهه محافظ و (سیوه) نامیله ظهور ایدن ایكنجی آلهه مخرب عنوانی ویررلر. (براهما پوتره) هندستانده بر نهر آدیدر بونه مجوسیلرجه براهمانك اوغلی+در دیو مشهور ایدی.