بدویه —
مصرده حكومت ایدن ملوك فاطمیه+دن آمر باحكام اللهك محبوبۀ منكوحه+سیدر صعید ایچندن بر كویلی قزی اولدیغی حالده كوزللكلده مشهور افاق ایدی آمر بونك ایچون نیل كنارنده (هودج) نامنده بر قصر دلارا یاپدیردی و بر زمان قصر مذكور حوالیسی نزهتكاه مرغوب اولدی لكن قزك كوزی كندوسنك عموجه اوغللرندن (ابن میاح نامنده بر كنجده اولدیغندن آمرك بونجه نعمت و محبتی انی دوشنمكدن كنذوسنی بر آن فارغ ایده+مزدی (یا ابن میاح الیك المشتكی. مالك من بعدكم قدملكا . كنت فی حبی طلیقاً آمرا. نائلا ماشئت منكم مدرکا) بیتلری مرفومه+نك ابن میاحه كوندردیكی ابیاتدندر. مرقومه ایله ابن میاحك احوالنی اولوقت ناس اكثار و اعظام ایدوب درلو درلو حكایه+لر داستانلر دوزمشلر ایدی.