ابو الیقاء — بغداد علماسندندر و مولدی بغداد اسمی
عبداه بن حسین+در. مشارالیه ایكی كوزی اعما اولدیغی حالده كیجه
كوندز تعلیم و تدریسدن خالی اولمز و بغداد و حوالیسندن و اوزاق و یقین
مملكتلردن كلان طلبه+نك كثرتی مناسبتیله درسنده اوتورە+جق یر بولنمز ایدی
و بر فندن كتاب تألیفنه مباشرت ایدە+جكی زمان او فنه متعلق اولان كتابلری
یاننه كتوردوب دیلدیكنی بر شاكردینه اوقودیر و اندن اقتباس ویاخود
معارضه ایتدیكی معنالری سویلر و موجود اولان شاكردانی یازوب بر كتاب
یپارایدی
)اعراب الحدیث) و (اعراب القرآن) و (شرح الایضاح لابی علی.
و (شرح اللمع) و (كتاب اللیاب فی النجوم) و (شرح المفصل للز محشری)
و (شرح مقامات الحریریه) و امثالی پك چوق تألیفاتی واردر و وفاتی
) ١٢١٩ م و ٦١٦ ه) تاریخنده+در