) بدوح —
سفر آدم و صحف ادریس علیهماالسلامدن مستخرج و جناب (علی المرتضی)یه موصول علومدن اولدیغی جعفر صادق و امام غزالی رضی+الله+عنهما حضراتی طرفلرندن خبر ویرلدیكی روایت اولنان وفق مثلث زخلك حروف مزوجه+سیدر. وفق مزبورك طقوز عدددن عبارت اولان (ا ب ج د ه و ز ح ط) حرفلرینك (ا ج ه ز ط) بش عدد مفرداتی دفع اعدا وتحقیر اشرا ایچون و اشبو (ب د و ح) درت عدد مزوجاتی جلب و سرور و محبت ایچون قوللانیلور و بو درت حروف عطارد و زهره یلدیزلرینه و شمس و قمره منسوب طوتیلور و كونلری پازارایرتسی و چهارشنبه و جمعه و پازار اعتبار ایدیلور.
بدوح كلمه+سنی یاخود عدد حروفنی متیمن عدد ایدرك مهرلره و مكتوبلره تحریر و ترقیم ایدرلر. .
صورت ترقیمی ٨٦٤٢ ب د و ح ٢٠