بدر —
مدینۀ منوره ایله مکۀ مكرمه آرە+سنده بر موقعك اسمیدر. بدر كبری یاخود بدر ثانی غزاسی موقع مزبورك (صفوان) دیدكلری جهتنده وقوعبولدی بو غزاده علیه الصلاة والسلام افندمز التمش درت نفری مهاجرین و باقیسی انصاردن اوله+رق اوچیوز بش نفر اصحاب كرام ایله برابر بولندی مشار+الیهمك اوچ نفری آتلو و یتمش سكز نفری دولو و التی نفری زرهلو وقال نی ییا و انواع اسلحه ایله مسلح ایدی اعدا بیك بو قدر كمسه اولدیغی حالده یتمش بو قدر تلفات ویره+رك فرار و اسلامدن اون درت نفر كیمسه دار خلد بر ینده قرار ایلدی. ید اسلامه كچن اسیرلرك ایچنده بولنان عم جناب رسول الله (عباس) و (عقیل) حضراتی اسلام ازلیلرینی اظهار ایدوب (ابو لهب) قهرندن مكه+ده وفات ایلدی رئیس الاعدا (ابو جهل) ایسه مقتوللرك ایچنده بولندی ٦٢٣ م و ٢ ه). بدر اول دنیلان برنجی غزا دخی مكه+لیلرك مدینۀ منوره جوارنده آلوب قاچردقلری حیواتانی استرداد ایچون كیدن فرقۀ جزؤیۀ اسلامیه+نك بدر نام محله قدر كیدوب بلا محاربه عودتلرندن عبارتدر.