ابو الاسود الدئلی الكنانی — تابعیندندر امام علی كرم اموجهه
و رضی اه عنه حضرتلرینك اشارتیله علم نحوی بو ذات وضع و ترتیب ایلدی
سببنی شو صورتده بیان ایدرلركه ابوالاسود قزینی كورمك ایچون بصره+یه
عزیمت ایدوب اثنای مصاحبتده قزی (یا ابت ما اشدالحر) دیدی و لفظ
اشدی رفعله سویلدیكی ایچون باباسی اك حرارتلی وقت قنغی وقتدر دیو
سؤال ایدیور ظنیله (شهرالناجر) یعنی تموز آییدر دیدی وقزی خیر
مرادم سندن سؤال دكل سكا خبر ویرمكدر دیمسیله ابوالاسود اعرابده
خطاسی اولدیغنی اكلایوب عودتنده حضرت علی+یه افاده و بو خطالر اعجامله
اختلاطدن ایلرو كلدیكنی و زمان اوزادقجه لسان عرب الدن كیدە+جكنی بیان
ایلدكده حضرت علی تصدیق و (انح یا ابالا سود) بیوردی و ابوالاسود
اشارت جلیل+لری اوزره (ان الكلام كله لایخرج عن اسم و فعل و حرف جاء
لمعنی) كلامنی بر صحیفه+یه یازدی. بو كلام امام سیبویهك كتابنڭ ابتداسیدر
و ابوالاسود (٦٨٨ م و ٦٩ ه) تاریخنده وفات ایتمشدر.