بخت نصر اول —
ایكنجی آثور دولتی حكمدارلرندندر ٤٩٤٧ خ) تاریخنده یعنی میلادك التی یوز قرق یدی سنه مقدمنده تخته جلوس و بابلی استرداد ایتدكدنصكره بلاد آثوریه+یه تسلط ایدن ماد حكمداری (فراغورت)ی حرباً اخذ و قتل و ممالكنی تخریب ایلدی و زیر حمایه+سنده اولان ممالك یهودیه+یی تفتیش و اطاعتسزلرینی تربیه ایچون كوندردیكی عسكرك قوماندانی اولان (حلوفرن) (یودیت) نامنده بر كوزل و فدایی یهودی قزینك دسیسه+سیله قتل و عسكری تارمار اولدیغندن (بخت نصر) اورالرجه بر ایش بجره+مدی و(٤٩٦٩ خ) تاریخنده یعنی میلادك التی یوز یكرمی بش سنه مقدمنده دخی بابل والیسی ماد حكمداریله اتفاق و نینوەیه هجوم ایدرك بخت نصری مغلوب و پریشان ایلدیكندن مومی الیهك اقبالی ادباره منقلب اولدی. بوكا (كینالادن) و (آثور دانیل) دخی دیرلر. مشهور اولان بخت نصر ایكنجی بخت نصردر (یودیت) كلمه+سنه دخی نطر بیوریله