) بخارای كبیر —
اسیای وسطی خانلقلرندن اك زنكین و كثیر النفوس بر خانلقدر مساحۀ سطحیه+سی ایكیوز اوتوز طقوز بیك كیلو مترو مربعنده و اهالیسی ایكی ملیون یوز بیك راده+سنده+در و قواعد ماوراءالنهردن بری صاییلان نفس بخاراده یوز بیك نفوس تخمین اولنمقده+در وجمله+سی اهل اسلامدر. بخارا شهرینك بر كوزل سوری و اوچیوز التمش عدد جوامع شریفه+سی تحصیل علوم ایچون التمش عدد مدرسه+سی واردر. بخارا حوالیسیله برابر هجرتك (٥٦) سنه+سنده سعید بن عثمان و دها صكره قتیبه بن مسلم یدیله فتح اولنوب (١٠٣٧ م و ٤٢٩ ٥) تاریخنده سلچوقیلرك و (١٢١٣ م و ٦١٠ ه) تاریخنده مغوللرك یدینه کچدی و (١٣٨٢ م و ٧٨٥ ه) تاریخنده تیمورلنك و (١٧٨٦ م و ١٢٠١ ه) تاریخنده ایكنجی دفعه اولارق اوزبكلر ضبط و پای+تخت اتخاذ ایلدی. بخاراده وقتیله درتبیك فقها موجود اولدیغی حالده مغوللرك هجومی مناسبتیله جمله+سی طاغلمش و مملكت اولكی معموریتنه نسبتله شمدی خرابه+زار حكمنده بولنمشدر بش اون سنه+دنبرو بخار او تیمورلنكك پای+تختی اولان سمرقند و طاشكند بعض ملحقاتیله برابر نوعما روسیه نظارت و حمایه+سی التنده+در مع+مافیه بخارا خانلغی اوتوز بیك قدر سواری عسكری چیقاره+بیلور. بخارا خانلغی (توارن) دنیلان اراضینك وسطنده+در (بسف) و (كش) و (فاراب) و (شاش) و (ثبكت) و (شهر سبز) ممالك مشهوره+سندندر