لغات تاریخیه و جغرافیه

Lugat-ı Tarihiyye ve Coğrafiyye

بحیره

بحیره — مصرده دكزجك تعبیر اولنور برچوق بركه+لردر بونلرك بعضیسی طوغریدن طوغری+یه و بر طاقمی قناللر واسطه+سیله بحر سفید و بحر احمره التصاق ایدرلر ازجمله دمیاط خلقنك ولی+نعمتی اولان پرنج پلوس خرابه+لرندن دمیاطه قدر اولان (منزله) كولی سایه+سنده حصوله كلور قدمای مصریونك كاغد مقامنده استعمال ایلدكلری (پاپیروس) نباتی دخی بو كولده حاصل اولور (پرلس) (ماریوط) (بحیرۀ انكوه) (مهدیه) (برکة الی) (سخته شور) (تمساح كولی) (نطرون كولی) (موریس كولی) بونلر دخی مصرده مشهور كوللردن اولوب اهالی طوز و بالقلرندن خیلی استفاده ایدرلر. مذكور موریس كولی (قارون كولی) نامیله ده یاد اولنور بونی (موریس) نام فرعون مصر وسطی بتاقلقلرینی قوروتمق ایچون احداث و اطرافنه بر خیلی ابنیه انشا ایلمشیدی.