بحر بالطق —
بحر محیط شمالیدن اوروپا ایچنه طوغری كیرمش بر بیوك كورفزدر بوكا (سارمارتیا) اوقیانوسی دخی دیرلر. (سوند) بوغارندن اشبو كورفزه كیرلدیكی كبی غرب جهتنده دانیمارقه و اسوج و جنوب جهتنده پروسیا و شرق جهتنده روسیه ممالكی و شمال جهتنده (پوتنی) كورفزی و فنلاندیا اراضیسی كوریلور و بحر مذكورك جانب شرقیسندن (فنلاند) كورفزینه كیریله+رك روسیه+نك پای+تختی اولان (پترسپورغ) شهرینه واریلور. اشبو بحر بالطق قرە+دكزدن براز بیوجك ایسه+ده بطاقلقلری و صغوق یرلری چوقدر لكن جنوب جهتی پك مهم و غلبه+لكدر و ایچنده اولان بیوك كوچك اطه+لری غایت معمور و معتبردر. شمال طرفی قیشین طوكمغله
پوتنی و فنلاند كورفزلرنده بولنان سفاین درت آی قدر حركت ایده+میوب یرلرنده قالورلر.