لغات تاریخیه و جغرافیه

Lugat-ı Tarihiyye ve Coğrafiyye

بحر

Bahr

بحر — كلام موزونی تقدیر ایچون علم عروضده مستعمل اوزانك اسمیدر و اوزان مزبوره (هرج. رجز. رمل. كامل. وافر. متقارب. متدارك. طویل. مدید. بسیط. منسرح . مقتضب. مضارع . مجتث. سریع. خفیف. قریب . جدید. مشاكل) ناملریله اون طقوز بحردن عبارتدر و مذكور بحرلردن هر بری شو (فعولن. فاعلن. فاعلاتن مستفعل. مفاعیل. متفاعلن. مفاعلتن. مفعولاتن) اجزا واركاننك تركبندن متحصلدر و اجزاء مزبوره دخی (سبب . وتد. فاصله)دن مركبدر سبب خفیف و ثقیل نامیله و وتد دخی مجموع و مفروق ناملریله و فاصله ایسه صغری و كبری ناملریله ایكیشر قسمه منقسمدرلر. (طویل. بسیط. كامل. وافر) بحرلری اشعار عربده و (جدید. فریب. مشاكل) بحرلری اشعار عجمده و سائرلری ایسه مشتركا استعمال اولنورلر.