ابو اسحق كارزونی — مشایخ صوفیه+دندر و اسمی ابراهیم بن
شهریاردر. بو ذات علیه الصلاة والسلام افندمزی عالم معناده كوروب
تصوفدن سؤال ایتدیكده (التصوف ترك الدعاوی و كتمان المعانی) بیوردی
و توحیددن سؤال ایتدیكده (كل ماهجس ببالك او خطرفی خیالك فالله
سبحانه بخلاف ذلك التوحید ان تنزهه عن الشك و الشرك والتعطیل) بیوردی
دیدی و مریدلرینك بر سؤالنه (عقلك ادناسی دنیایی و اعلاسی ذت
حقدن غیرك فكرینی تركدر جوابنی ویردی تاریخ وفاتی (١٠٣٤ م و ٤٢٦ ه)+در