پتولومه قلود — قدمای ریاضیوندندر. بوكا تواریخ اسلامیه+ده بطلمیوس دیرلر. اصلی یونانی اولوب مولدی دكل ایسه+ده اسكندریه+ده اشتهاری (١٢٦ م) تاریخندە+در اسكندریه+ده قرق سنه علوم ریاضیه تحصیل و تدریس و تألیفیله مشغول اولوب پك چوق شاكرد یتشدیردی و اسلافنك كتابلرینی تدقیق و كندو ذهابی اوزره تصحیح ایلدی. و مشهور (ماژستوس) یعنی (مجسطی) كتابنی یازدی. بونك ذهابنجه ارض ثابت و شمس و سیارات متحزكدر. فن رسم بسیطه و فن مناظره و جغرافیایه و اصواته دائر كتابلری و بر زایرچه+سی و حساب و تاریخه و فلسفه+یه و عناصره و مسافاته و جر اثقاله دائر رساله+لری واردر