پتولومه فیلادلفی —
لاژیت دولننك یعنی ملوك بطالسۀ مصریه+نك ایكنجی پادشاهیدر. بو ذات (٥٣٤٩ غ) تاریخنده یعنی
میلادك ایكیوز سكسان بش سنه مقدمنده پدری سوترینك فراغیله تخته جلوس و كندوسنه رقیب اولان قرنداشلرینی اخذ و قتل و ممالكده چیقاردقلری اختلاللری تسكین ایلدكدن صكره همشیرە+سیله ازدواج ایدوب ترقیء معارف ایچون صرف افكاره باشلادی و پدرینك احیا ایلدیكی كتبخانه+یی بیولتدی و قدسدن یتمش نفر عالم یهودی كتوردوب توراتی و سائر كتب مقدسه+یی لسان یونانی+یه ترجمه ایتدیردی و علم نجوم و علم سفر دریا تحصیلی ایچون مكتبلر آچدی و سویش قنالنی تعمیر و برچوق لیمانلر حفر و نیلك یوقارولرینی تحری ایدرك اورالرده و سائر ممالك مصریه+دە خیلی شهرلر بنا ایتدیردی وفاتی (٥٣٤٧ خ) تاریخنده یعنی میلادك ایكیوز قرق یدی سنه مقدمندە+در. مرقوم ملوك بطالسه+نك اك پارلاق حكمداری صاییلور ایسه+ده (ورژت. یعنی ولی نعمت عنواننی قزانمش اولان اوغلی و خلفی دخی پدرندن اشاغی دكل ایدی زیرا مرقوم (ورژت) مدت سلطنتی اولان یكرمی بش سنه ظرفنده سوریه+یی ضبط و فرات نهرینك و بابل و فارسستان قطعه+سنی مرور ایدرك بلخ دیارینه قدر كتدی و عجملرك بر طاقم الهلرینی مصره كتوردوب حریفلری الهسز براقدی.