بتلیس —
یاخود (بدلیس) —
كردستانده بر ولایت مركزیدر. بوراسی مقدما ارضروم ولایتنه تابع موش سنجاغی قضالرندن ایكنی (١٨٨٠ م و ١٢٩٧ ه) تاریخندن اعتباراً ولایت مركزی اولمش و ولایته دخی بتلیس نامی ویرلمشدر. بتلیس وان شهرینك جهت غربیسنده و یوز اوتوز كیلومترو بعدنده بر مستحكم محلده واقع اولوب ثلثانی كرد اسلام و ثلثی ارمنی اولمق اوزره نفوس موجوده+سی اون ایكی بیك راده+سندەدر ارمنیلر بو شهرك اسكندر رومی زماننده یاپلدیغنی و وقتیله بر خانلغك مقری ایدوكنی سویلرلر ایسه+ده صحتنی مؤید بر اثر كوریله+میور عجملرك (١٥٥٤ م و ٩٦٢ ه) تارخنده بتلیسده ترکلره بر غلبه+سی واردر. (هشت بهشت) نام فارسی تاریخ عثمانی صاحبی مولانا ادریس جنابلری اشبو مملكتده نشو و نما بولمشدر.