لغات تاریخیه و جغرافیه

Lugat-ı Tarihiyye ve Coğrafiyye

پتوله+مه

پتوله+مه — مصرده (لاژیت) دولتنی تشكیل ایدن سوتری لاكوسك لقبیدر. اشبو لقب مؤاخراً تعریب اولنه+رق (بطلمیوس) دنیلدیكی كبی دولت مشار الیها دخی ملوك بطالسه نامیله شهرت بولدی . مومی الیه اسكندر رومینك برنجی جنراللرندن ایكن مشار+الیهك وفاتیله ممالكی جنراللری بیننده تقسیم اولندیغی صره+ده بونك حصه+سنه دخی مصر قطعه+سی اصابت ایتمش و حصه+سنه آسیای صغرا اصابت ایدن (انتی+غون)ك حقنه راضی اولماسندن ناشی ظهور ایدن محاربه+یی قزانوب مرقومك اوغلنی پریشان ایتدكدنصكره سوریه+یی و فلسطینك جهت جنوبیسنی آلوب (٥٢٨٨ خ) تاریخنده یعنی میلادك اوچیوز التی سنه مقدمنده حكمدار عنواننی احراز ویش سنه صكره مرقوم انتی+غونی بتون بتون محو ایدرك سیره نابق و لیبی و قبریس و سائر ممالكی دخی استیلا ایلمشیدی. اسكندریه شهرینی معمور و عجایب سبعۀ عالمدن اولان اسكندریه فنار قله+سنی انشا و یدییوز بیك كتابی جامع اولان مشهور (سراپیون ) كتبخانه+سنی احیا ایدن و معبود اعتقاد ایتدیكی (سساپیس) نام شخص موهومه عبادتی مصره ادخال ایلیان بودر بعض اسبابه مبنی (٥٣٠٩ خ) تاریخنده یعنی میلادك ایكیوز سكسان بش سنه مقدمنده سلطنتنی اوغلی (فیلادلفی)یه ترك ایدوب ایكی سنه صكره وفات ایتمشدر. اشبو پتوله+مه لقبی اخلافنه دخی عنوان اولدی و ملوك بطالسه (٢٧١) سنه دوام ایتدی