آبازه — یاخود (آبازیا) قافقاسیه+نك جهت جنوبیسنده و قره دكز ایله قوبان نهری اراسنده مسكون بر قبیله+نك یاخود او قبیله+نك ساكن
اولدیغی اراضینك اسمیدر. بونلرك بطون چراكسه+دن معدود اولدقلرنده شبهه یوغیسه ده لسان و عادات و اخلاقلری بشقه+در ابازه+لر اراضیء مذكورە+نك جنوب و شمال جهتلرنده بیوك و كوچك ناملریله ایكی+یه تقسیم اولنورلر باشلیجه شهرلری (صخوم) و (چامچیرا) و (كاكره) و (پیچوندا)در و نفوس ذكور موجوده+لری بعدالهجرة قرق اللی بیك راده+سنده+در. بونلر دردنجی عصر میلادیده اول حوالی خلقیله برابر روما دولتی حمایه+سندن قورتیلوب (١٨٢٩ م و ١٢٤٥ ه) تاریخنه قدر كاه كندو حاللرنده و كاه كرجستان و دولت عثمانیه و ایرانیه حمایه+لرنده یشادیلر ایسه ده هیج بر وقت روسیه+نك مداخلات و تپهدیداتندن قورتیله+مدیلر و بر چوغی ١٢٨٤ م و ١٢٩٤ ه) تاریخلرنده ممالك عثمانیه+یه هجرت ایدوب قالانلری روسیه حمایه+سنی قبوله مجبور اولدیلر. روسیه+لیلر ابازه ممالكنه (ابخازیا) دیرلر و یونانیلر (آخای) تعبیر ایدرلر.