لغات تاریخیه و جغرافیه

Lugat-ı Tarihiyye ve Coğrafiyye

بتلن قابور

بتلن قابور — مقدما دولت علیه حمایه+سنده اولان و حال اتاریخلرده اردل دیو یاد اولنان (ترانسلیوانیا) ولایتتك ویودە+سیدر. ولایت مذكوره+نك اولكی ویودە+سی اولان (اتین بو چقای) ك (١٦١٣ م و ١٠٢٢ ه) تاریخنده وفات ایلمسی اوزرینه مجارلر ایكی طرف اولوب بر طرفی دولت علیه حمایه+سنده قالمسنی و دیكر طرفی اوستریایه كچمسنی ارزو ایدرك اختلال چیقاردقلرندن دولت علیه دخی اختلال مذكوری باصدیرمق و اوستریا طرفلیلرینی دوشورمك ایچون اشبو بتلن قابوری اسكندر پاشا معیتنده مستوفی عسكر ایله مجارستانه ارسال و اقعاد و بعض امتیازات اعطا ایلدیكندن اهالی دخی ممنون و اوستریا طرفلیلری سكوته مجبور اولدی مومی الیه (١٦١٨ م و ١٠٢٨ ه) تاریخنده اوستریا قرالنی مجار قراللغندن كف یده مجبور ایدوب كندوسی عموم مجار قراللغنی اعلان ایلدی و (١٦٢٤ م و ١٠٣٤ ه) تاریخنده و ایكی سنه صكره بوهمیالولرله اتفاق ایدرك اوستریالولری دولت علیه نامنه فنا حالده پریشان ایلدی بو مظفریت اوزرینه مجار قراللغنك كندوسندنصكره زوجه+سنه انتفالنی استرحام ایلدیكندن دولت علیه دخی احسان بیوردی. مومی الیه بر فقیر آدمك اوغلی ایكن درایت و شجاعتی سایه+سنده مراتب مذكورە+یه نائل اولمش و (١٦٢٩ م و ١٠٣٩ ه) تاریخنده وفات ایلمشدر