) پترو بیوك پترو —
روسیه ایمپراطورلرندندر . بوكا بیوكلكی ایجابندن اولان افعال موانع بر اندازانه و حركات عادت شكنانه+سندن ناشی (دلی پترو) دخی دیرلر. بو ذات روسیه باش وكیلی (غالچین)ك و همشیره و وصیه+سی و شریك سلطنتی (سوفیه)نك و بیوك قرنداشی و ینه شریك سلطنتی مجذوب (ایوان)ك معاملات مستبدانه+لرندن ناشی (ترینته) مناسترینه چكلمش ایدی مرقومه سوفیه+نك استرلیج عسكرینی تحریك ایله استقلال افكارینه صاپمسی اوزرینه سرآمدان دولت اشبو پترویی جلب و حمایه و اختلالی تسكین ایلدكلرینه و استرلیج ضابطانندن بعضلری دخی كندویه طرفدار بولندیغنه بناء (پترو) اون بش یاشنده و (١٦٨٩ م و ١١٠١ ه) تاریخنده استقلالنی اعلان ایلدی و (ایوان) استعفاسنی ویروب (سوفیه) محبسه القا اولندی سكز سنه صكره اصول ادارۀ دولتی و فنون لازمه+یی تحصیل ایچون تبدیل نام ایدرك فلمنكه كیدوب بر مدت اوراده عادی عمله كبی چالشه+رق مرانغوزلق و كمی اعمالی صنعتنی اوكرندی و انكلتره و اوستریا مكتبلرنده اپیجه فنون تحصیل ایتدی بر سنه صكره موسقوه+ده+كی محبوس سوفیه+نك تشویقیله استرلیج عسكرینك ینه بر اختلال چیقارمق اوزره ایدوكنی استخبار ایلمسی اوزرینه درحال عودت ایدوب استرلیج اوجاغنی الغا و استرلیج عسكرلرندن درت بیك قدرینی اعدام و نظام جدیدی وضع ایلدی (١٧٠٠ م و ١١١٦ ه)
تاریخنده له و دانمارقه
ایله اسوج دولتی علیهنه اتفاق ایدوب اسوج قرالی تیمور باش دیمكله معروف اون ایكنجی (قارلو) طرفندن نارواده مغلوب و طقوز سنه صكره (پولتاوا)ده غالب اولدی و قارلو دولت علیه+یه التجا ایلدیكندن پترو سلاحنی دولت علیه+یه چویردی و (١٧١١ م و ١١٢٣ ه) تاریخنده پروت نهری اوزرنده دولت علیه اردوسنه اردوسیله اسیر دوشوب زوجه+سی قترینه+نك تدبیریله بالطه+جی محمد پاشانك ارتكابی سایه+سنده یقایی قورتاردی و امور داخلیه+یی تنظیم و تعدیل ایدوب
بر مجموعۀ قانونیه یازدی و نظارتی كندوسنه عائد اولمق و رئیس روحانی طاننمق اوزره بر سینود یعنی جمعیت رهبانیه تشكل ایتدیردی و افتخار نشانلری احداث ایلدی و (١٧٢٣ م و ١١٣٦ ه)
تاریخنده طاغستان و شیروان
و مازندران و دربند و استرآباد ولایاتنی ایرانلولردن آلدی و
(١٧٢٥ م و ١١٣٨ ه) تاریخنده وفات ایدوب یرینه
زوجه+سی برنجی (فترینه) کچدی اشبو پترونك اقدام و غیرتنه دیه+جك اولمدیغی كبی حدت و غدارلغنه دخی نهایت یوغیدی امرینه قارشو حركتده بولنان بر اوغلنی بالذات قتل ایتمشدر. ابتدا غایت خفی طوتیلوب صكره اوروپالیلرك النه کچمش و هر لسانه ترجمه اولنمش اولان (وصیتنامه)سی كندوسندن صكره دولتجه طوتلمق لازم كلان مسلك و تدابیری مبین بر رسالۀ مهمه+در.