لغات تاریخیه و جغرافیه

Lugat-ı Tarihiyye ve Coğrafiyye

پترسبورغ

Petersburg

) پترسبورغ — — روسیه دولتنك پای+تختی و بو نامده اولان سنجاغك مركزیدر. اشبو شهر (فینلاند) كورفزینك ایچروسنده و (نوا) نهرینك ایكی جانبنده و برچوق اطه+لر اوزرنده واقع اولوب یدی بوز بیك نفوسی جامعدر بونی روسیه ایمپراطوری بیوك پترو (١٧٠٣ م و ١١١٥ ه) تاریخنده اسوچلیلردن ضبط ایتدیكی اراضی اوزرینه بناء ایلدی پترسبورغك بولندیغی اراضی+یه مقدما (انغری) دیرلر ایدی اطرافنده اولان سور بش كیلومترو اولوب ابنیه+سی اكثریا اخشابدر و میدانلری و سوقاقلری و چارشولری منتظمدر و جسیم بر غرانیت طاشی اوزرنده بیوك پترونك سواری اوله+رق طونجدن معمول رسم مجسمی شایان تماشادر و(ارمبتاح) و (توریت) سرایلری و (پولقوا) رصدخانه+سی مشهوردر و دها مكلف سرایلر و قصرلر و معبدلر و منتظم صورتده آچلمش جدوللر اوزرنده مزین یالیلر موجوددر لكن ارضی براز نمناك اولدیغندن هواسی وخیمجه+در نوا نهری اغزنده بولنان قرونشتاد اطه+سنده+كی زرهلو قلعه+لر شهر مزبوره بحراً اولاجق هجومی منع ایچون تأسیس اولنمش اولدیغندن غایت متین و مستحكمدر