لغات تاریخیه و جغرافیه

Lugat-ı Tarihiyye ve Coğrafiyye

پتاغونیا / پاتاغونیا

Patagonya

پتاغونیا یاخود (پاتاغونیا) — امریقای جنوبینك منتهای جنوبیسنده و اللی بشبیك ساعت مربعنده قلیل السكنه بر ارض جسیمدر اهالیسی كرۀ ارض اوزرنده بولنان انسانلرك اك جسیم و قوتلیسی ایسه+ده حال بدویتده و دائما صید و شكار ایله تعیش اتمكده اولوب كیدكلری اثواب كاملاً حیوانات دریسندن عبارتدر. پتاغونیا حوالیسنده بیوك و كوچك برچوق اطه+لر وار ایسه+ده صغوق پك شدید اولدیغندن هنوز معمور اوله+مامشدر بو اطه+لردن (تردوفو) نامنده برینك اوزرنده بیوك و مهیب بر (وولقان) واردر