لغات تاریخیه و جغرافیه

Lugat-ı Tarihiyye ve Coğrafiyye

بایندریه

Bayındıriye

)بایندریه — ایرانده قبائل تركمانینه+دن (آق قیونلی) دیدكلری قبیلۀ جسیمه+نك رئیسی بولنان (قره عثمان)ك (١٤٠٦ م و ٨٠٩ ه) تاریخنده قره قیونلی و قره تاتار و قاضی برهان+الدین كبی مخالفلرینی محو ایدرك اذربایجانده تشكیل ایلدیكی حكومتك اسمیدر. حكومت مذكوره یوز اون سنه قدر دوام ایدوب بو مدتده دیار بكره دخی مالك اولدی مؤاخراً منقرض اوله+رق ملكلری ملوك صفویه+یه انتقال ایلدی. اشبو بایندریلرك ایچنده اك پارلاغی فاتح سلطان محمد خان حضرتلریله ترحان صحراسنده حرب ایدن و صلح رجاسیله والده+سنی طربزونه فاتح مشار+الیه حضرتلری نزدینه كوندرن (اوزون حسن) نام حكمداردر و مرقوم عثمانك لقبی (بهاءالدین)در. بونلر بیراقلرینه عشیرتلرینك علامتی اولمق اوزره بیاض قیون شكلی بتارلر ایدی