) بایقرا . —
خراسان حكمدارلرندن بر ذاتك لقبیدركه اصل اسمی (حسین)در. بو ذات بر آره+لق ملكنی ایرانلولره قاپدیردی ایسه+ده صكره سلطان (محمد بایسنقر)ك سفاهت و غفلتندن استفاده ایله ملكنی ینه استرداده موفق اولدی و ( ١٤٤٢ م و ٨٤٦ ه) تاریخنده هراتده تخته جلوس ایدوب مدت سلطنتی اولان اوتوز سكز سنه ظرفنده اعار ملك و تكثیر معارفه فوق+الغایه خدمت ایتدی. زماننده اطرافدن خراسانه پك چوق علما و صلحا و ارباب فنون و معارف كلمش و خراسانده انشاسنه موفق اولدیغی مدرسۀ رفیعه+ده اون بیك قدر مدرس و طلبه علوم ساكن اوله+رق جمله+سی خزیمۀ دولتدن انفاق و اعاشه ایدلمشدر. اشبو (حسین بایقرا)نك مجلس عیش و صفاسی دخی عدالت و همتی كبی شهرت بولدیغندن چوق زمان ضرب مثل اوله+رق سویلنور ایدی.