بایسنقر —
هندستانده حكومت ایدن بابریلردن اولوب مشهور (جلال الدین اكبر) شاهك حفیدیدر. بو ذات تخت هندده فرمانفرما ایكن تغلب اوزره اولان وزیر اعظمی آصف خانك تدبیر و تشویقیله دامادی (خرم) خانك كلوب كندوسنی خلع و تخته جلوس ایده+جكنی خبر الدیغی كبی تبدیل قیافتله جانب حجازه فرار و اورادن سلطان (مراد) رابع حضرتلری دركاهنه التجا ایدوب مظهر احترام اولدی لكن تختنك استراددی ایچون واقع اولان استر حامی بعض عوایق حیلولتیله ممكن اوله+مدیغندن ینه هدستانه كیتدی و ( ١٦٣٣ م و ١٠٤٣ ه) تاریخنده مقتولاً وفات ایلدی.