)بایزید ثانی —
ملوك عثمانیه+دن سكزنجی پادشاهدر و فاتح سلطان محمد ثانی حضرتلرینك اوغلی و سلطان سلیم اول حضرتلرینك پدریدر ولادتی ( ١٤٤٨ م و ٨٥١ ه) جلوسی ( ١٤٨١ م و ٨٨٦ ه) وفاتی ( ١٥١٢ م و ٩١٨ ه) تاریخنده+در. مشار+الیهك جلوسی سنه+سنده
برادری سلطان جم قرمان امیرینك اغفال واعانتیله بروسه اوزرینه كلوب یكیشهرده مغلوب و مصره قدر فراره مجبور اولدی حج شریفدن عودتنده بر كره دها طالعنی دنه+مك استه+یوب ینه سلطان بایزیدك عسكرینه مغلوب اولدیغندن ردوس قوالیرلرینه دوشدی و اورادن سلطان مشار الیهك التماسیله فرانسه+یه كوندرلدی. (١٤٨٦ م و ٨٩١ ه) تاریخنده رمضان اوغلی ممالكنه تجاوز ایدن مصرلولری دفع ایچون كوندریلان اوچ قول اردو مرعش حامی ذوالقدر زادەنك وفاسزلغی و بعض امرانك احتیاطسزلغی و اتفاقسزلغی سببیله منهزم اولوب سردار هرسك زاده احمد بك اسیر دوشدی و مجار محارباتندن صكره اشقودرە اردوسی دالماچیایی و دیكر اردو لهلولری تربیه ایدوب استانبول اسیر ایله طولدی ( ١٤٩٩ م و ٩٠٥ ه)
تاریخنده وندیك محاربه+سی تجدد ایتدی و كفالونیا و متون و قورون و ناوارین ضبط اولندیغندن وندیك جمهوری اوروپالولردن استمداد ایتمسیله پاپا و اسپانیا و فرانسه و مجار حكومتلری اتفاق ایدرك اق دكزه دوننما كوندردیلر لكن كمال رئیسك صولتندن و فورتنه+لردن خیلی تلفات ویرە+رك ینه عودته مجبور اولدیلر و ایرانیلر طرفندن اهالی+یی اضلال ایچون صوفی نامیله كوندریلان منافقلرك افسادیله اناطولیده اولان اهالیء عثمانیه+نك بر طاقمی عجمستان طرفلرینه چكلمكه باشلادیغندن چاره+سی لدی التأمل ایچلرندن او یوله میل ایدنلری بالتحقیق موره ممالك مفتوحه+سنه نقل ایدلدی و برقاچ بوز كلركیر كوپریلر و بنالر یاپلدی و ( ١٥٠٨ م و ٩١٤ ه) تاریخنده شاه اسماعیل خربروت و مرعشی اوروب ینه كیرو چكلدی و بر بیوك زلزله اولوب قرق بش كون امتداد ایتدی و روم ایلنده ادرنه+یه و اناطولیده چورومه قدر شدتی حس اولنوب چورومده ایكی محله منخسف اولدی و استانبولده یوز طقوز مسجد و بیك یتمش خانه خراب و بشبیك ذكور واناث و صبیان تلف اولدی و استانبول سورینك ٤٠٣٠٠ ذراع محلی ییقلدی حاصلی استانبول ویرانه+یه دوندیكندن زلزلۀ مذكوره+یه قیامت صغری نامی ویرلدی و درحال اناطولیدن اوتوز یدی بیك و روم ایلندن یكرمی طقوز بیك عمله و اوچ بیك طاشجی دیوارجی كتوردیلوب و عسكریدن دخی اوچ بیك مسلم و سكز بیك یایا آیریلوب التمش درت كونده مذكور سور و قیز قله+سی و سلوری و چكمجه كپریلری انشا و اكمال ایدلدی.
و (١٥٠٩ م و ٩١٥ ه) تاریخنده سلطان (بایزیدك) اختیلرلق مناسبتیله ادارۀ سلطنتدن عجزی تحقق ایلدیكندن شهزادكانك جمله+سی سلطنت ارزوسنه دوشوب بر قاچ سنه دخی بو غائله ایله ذهنلر مضطرب اولدی و هركس بر طرفه مائل بولندیغی كبی یكیچریلر دخی (سلطان سلیمی) استدكلرندن سلطان بایزید ملتزم اولان شهزاده+یی براغوب ناچار سلطان سلیمی جلب و سلطنتی اكا تفویض ایدرك كندوسی باقی عمرینی کچررمك اوزره اغلیه اغلیه دیمتوقه+یه كیدركن حوصه+ده وفات ایلدی (سلیم اول)ه دخی نطر بیوریله