بایزید خازاول یلدرم —
دولت علیۀ عثمانیه+ده دردنجی پادشاه اولوب خداوندكار سلطان مراد حضرتلرینك اوغلی و چلبی سلطان محمد حضرتلرینك پدریدر ولادتی ( ١٣٥٩ م و ٧٦١ ه) جلوسی ( ١٣٨٨ م و ٧٩١ ه) وفاتی ( ١٤٠٢ م و ٨٠٥ ه) تاریخنده+در. مشار+الیهه پدری خداوندكارك قوصوه+ده شهادتندن صكره میدان محاربه+ده بیعت و ینه محاربه+یه مدوامت اولنوب صرب ولایتی تحت انقیاده آلندی و صرپ بكی استفان قزقرنداشنی سلطان مشارالییه ویردی و استانبول ایمپراطورینك اوغلنی خفیاً التماس ایلدیكنه بناء ایمپراطورلق اكا توجیه اولنوب باباسی عزل و بو دخی ویركو اعطاسنی تعهد ایتمكله تكرار ابقا و اوغلنه سلوری و اركلی و سلانیك شهرلری توجیه اولندی و روملرده اولان الاشهر سنجاغی ایمپراطورك عسكریله فتح ایدلدی و ایاسلوغ و صاروخان و منتشا و نیكده و اقسرای و ( ١٤٩١ م و ٧٩٤ ه)
تاریخنده قیصریه و سیواس و اماسیه امیر برهان+الدین یدندن و قسطمونی طوپال بایزید یدندن الندی و قرمان اوغلی آق چای محاربه+سنده اخذ و اعدام ایدلدی و
( ١٣٩٥ م و ٧٩٨ ه)
تاریخنده استانبول ایمپراطورینك و مجار و مملكتین بكلرینك فریاد و استمدادی اوزرینه فرانسه و المانیادن كلیتلو عسكر كلوب نیكبولیده بر بیوك محاربه اولدی و عثمانلولر غلبه ایدوب فرانسزلرك سرداریله ایله پك چوق ضابطانی طوتلدی و استانبول ایمپراطورینك اوغلی اولوب عهدە+سنه سلوری و اركلی و سلانیك ولایاتی توجیه اولنمش اولان (اندرونیقوس)ك نشانلیسنی كتورییورم دیه+رك ایچرویه صوقلمق استیان بر سفینه (عزب) پاشا معرفتیله طوتیلوب ایچندن چیقاریلان قز حرمسرای پادشاهی+یه آلندی ( ١٣٩٦ م و ٧٩٩ ه) ًتاریخنده مورەنك اطرافی و ترحاله و متعاقبا اتنه و ملاطیه و كانغری و كماخ و سلسترە+دن ودینه قدر طونه سواحلی و افلاق و صرپ ایالتلری استیلا اولندی لكن استانبول یدی سنه نیم تضییق التنده اولدیغی حالده ضبط اولنه+مدی و (١٤٠١ م و ٨٠٤ ه) تاریخنده ملتجی قره یوسف و سلطان احمد جلایرینك سلطان بایزیدی و اولجه مملكتلری اللرندن النان اناطولی بكلرینك تیمورلنكی تشویق ایتملری اوزرینه تیمورلنك ایله سلطان مشار+الیهك اراسنه برودت كیروب پك صوغوق صورتده مخابرات اجرا اولندقدن صكره سلطان بایزید تیمورلنكك اوزرینه سفر اچدیسه+ده انقرەده بوزیلوب اسیر اولدیغندن شهزادكاندن سلیمان چلبی ادرنه+ده و عیسی چلبی بروسه+ده تخت عثمانی+یه جلوس ایدوب دیكر شهزاده چلبی سلطان محمد ولایتی اولان اماسیه+یه چكلدی سلطان مشار+الیه سكز آی قدر اسارت و زحمت چكدكدن صكره علی روایة نزول اصابتیله وفات ایدوب نعشی بروسه+یه كتورلدی و شهزاده+لر اون بر سنه بربریله اوغراشوب سلطنت هیچ برینك عهدە+سنده تقرر ایده+مدیكی حالده نهایت (١٤١٣ م و ٨١٦ ه یاخود ٨١٨ ه) تاریخنده چلبی سلطان محمر حضرتلری جمله+سنه غلبه ایدوب ادرنه+ده تخته جلوس ایلدی.