لغات تاریخیه و جغرافیه

Lugat-ı Tarihiyye ve Coğrafiyye

باویرا

Bavyera

)باویرا — المانیا اتفاقنه داخل بر حكومت مشروطه و مستقلدر اشبو حكومتك مقر ادارە+سی یوز یتمش بشبیك نفوس جامع اولان مشهور (مونیخ) شهری اولوب عموم باویرا اداره+سنده اکثریسی قتولك اولمق اوزره بش ملیون ایكییوز یتمش بیك نفوس تخمین اولنمقدە+در. باویرا قطعه+سنك حدودی جنوب غربیده قونستانس كولنه قدر ممتد اولور و هواسی و اراضیسنك قوۀ انباتیه+سی ایكنجی درجه+ده لطیف معتدل صاییلور و ككیش و اوتلاق اولان اووەلرنده پك چوق حیوان یتیشدیریلور و اورمانلرندن خیلی استفاده اولنور. باویرا حكومتی (١٧٤٥ م و ١١٥٨ ه) تاریخنده (توش) مصالحه+سی سایه+سنده اقتدارینی اعاده+یه و (١٨٠٦م و ١٢٢١ ه) تاریخنده فرانسه ایمپراطوری ناپلیونك همتیله توسیع ممالك ایتدكدن صكره برده قرالیت عنواننه نائل اولدی. اوروپالیلر باویرایه (بایرن) و مونبخ شهرینه دخی (مونخن) دیرلر. عقر حكومت اولان اشبو (مونیخ) شهرنده سكز یوز بیك كتابی جامع وغایت مكمل و منتظم بر قرال كتبخانه+سی واردر. (حكومت) كلمه+سنه دخی نظر بیوریله