باوندیه —
طبرستانده یعنی مازندران ولایتنده اجرای حكومت ایدن پادشاهلره مخصوص بر عنواندر. بونلرك برنجی سلاله+سی هجرتك قرق بشنجی سنه+سنده باوند بن شابور معرفتیله تشكل ایدوب (١٠٢٨ م و ٤١٩ ه)
تاریخنده منقرض اولدی و ملكلری ملوك دیالمه النه کچدی ایسه+ده قرق یدی سنه مرورنده بر كوشه+ده متقاعد و اجدادینك سلطنتنی احیایه مترصد اولان (حسام الدوله شهریار) حكومت مذكوره+نك بر درجه+یه قدر ضعفندن استفاده ایدرك حرباً طبرستانه مالك اولدی اشبو ایكنجی باوندیه سلالۀ حكمرانیسی (١٢٠٩ م و ٦٠٦ ه) تاریخنه قدر دوام ایلدی. و (حسام الدوله اردشیر)ك همتیله (١٢٣٧ م و ٦٣٥ ه) تاریخنده تشكل ایدوب (آمل) شهرینی پایتخت اتخاذ ایدن اوچنجی سلاله ایسه یوز اون بش سنه دوام ایدوب اندن صكره بتون بتون منقرض اولدی. مؤاخراً ظهور و طقسان طقوز سنه حكومت ایدن جلاویلر دخی اشبو باوندیه فروعندندر. بونلره ابتدالرو ملوك الجبال دیرلر ایدی.