پاولوس —
طرسوسلی بر یهودینك اوغلیدر و حواریون درجه+سنده دین (عیسی) علیه+السلامه خدمت ایدنلردندر. بو ذات ابتدا یعنی قبل الرفع دین عیسایی انكارده بولنوب صحبت عالیلریله مشرف اولمدیغندن زمرۀ حواریونه داخل اوله+مدی لكن بعد الرفع شام شریفده خرستیانلغی قبول ایدنلری منع و تأدیبه مأمور اولارق گیدركن یولده كوردیكی بر رؤیا مناسبتیله یهودیلكدن واز كچوب دین عیسایی قبول و تسلیم و براز صكره یونانستان و قبریس و سلانیك و قورینت شهر و قصبه+لرینی طولاشوب خرستیانلغی نشر و تعمیم ایلدی مؤاخراً بر دعوا ضمنده رومایه جلب اولنوب اوراده دخی تلقین دینه قیام و روما ایمپراطوری
غدار (نرون)ك حضورنده سربستانه ایراد كلام ایلدیكندن(٦٦ م) تاریخنده پتروس ایله اعدام اولندی. اون درت عدد رساله+سی واردر.