پانونی — یاخود (پانونیا) اوستریا و اسقلاوونیا و خرواتستانك جهت شرقیسیله مجارستانك جهت غربیسندن و بوسنه+دن عبارت بر قطعه یاخود حكومتك نام عتیقیدر. بو قطعه+ده بولنان اهالئ قدیمه (سلت)
طائفه+سنه منسوب اولوب خیلی زمان مستقل اوله+رق حكومت سورمشلر و مؤاخراً ماكیدونیا قرالی فلیب و اوغلی اسكندره انقیاده مجبور اولمشلر ایدی. بورالری صكره روما دولتی ادارە+سنه كچوب بعد انقراضه پك چوق انقلابه اوغرامش و عاقبت اوستریا دولتنه انتقال ایلمشدر.